Amo 9 | ZomZIV | STEP | Biakna-tau gei-a ding Topa ka mu a, amah in: “A bulpi a kilawh theih nadingin khuampi dawn khensuk in. Mi khempeuh lutung tusak in; a si lo sun teng namsau in ka that ding hi. A suakta a taikhia khat beek a om kei ding hi.

Amos 9

Israel Kisusia Ding

1 Biakna-tau gei-a ding Topa ka mu a, amah in:

“A bulpi a kilawh theih nadingin
khuampi dawn khensuk in.
Mi khempeuh lutung tusak in; ^a
a si lo sun teng namsau in ka that ding hi.
A suakta a taikhia khat beek
a om kei ding hi.
2 Lei toin hankhuk ^{▼▼9.2 Hebrew ah Sheol ah} thukpi dong a tawh uh hangin,
tua tak pan ka khutin ka lakhia ding hi.
Vante dongin a kahtoh uh hangin ^c
tua lai pan amaute ka kaikhiasuk veve ding hi. ^d
3 Carmel dawn ah amaute a bukuh hangin
bengin ka man veve ding hi.
Amaute kei hong kihta in tuipi taw ah a buk uh hangin
tua lai-ah amaute tu dingin gulpi ka sawl ding hi.
4 A galte un amaute sal dingin a kaih uh hangin,
tua lai-ah amaute that dingin namsau ka sawl ding hi.
Migitna hi lo, gitlohna tawh
amaute ka encik gige ding hi.”
5 Topa, Thahatpen TOPA in
leitung a lawn ciangin tuisuak a, ^e
a sunga om khempeuh thumin
leitung buppi Nile bangin khanga,
tua ciangin Egypt gun bangin kiam a - ^f
6 vantungte ah a kumpi innte ^{▼▼9.6 Hebrew in hih laigual teng a khiatna kician lo hi.} lamin
abul ^{▼▼9.6 Hih kammal Hebrew in a cihnopna kicianlo hi.} leitung ah phuta
tuipi tui samin
lei maitangah a sungpa
ama min TOPA ahi hi.
7 “No Israel-te aw, kei adingin
Cush-te ^{▼▼9.7 Tua pen Nile kual saklam pana mite} tawh kibang hi lo na hi uh hiam?” ^j

TOPA in cikhia hi.
“Keimah in Israel-te Egypt pan,
Philistia-te Caphtor ^{▼▼9.7 Tua pen Crete} pan le
Aram-te Kir panin hong paikhiatpih hi lo ka hi hiam?
8 “Thupipen TOPA mit in
amawh kumpi-gam en gige hi.
Lei maitang panin
ka susia ding hi -
ahi zongin Jacob innkuan
ka susiamang kei ding hi,”

TOPA in cikhia hi.
9 Ahang in, keimah in thu ka pia dinga,
an haihna tawh haih bangin
minamte khempeuh lakah
Israel innkuante ka haih dinga,
ahi zongin a tang khat nangawn leitungah a kia kei ding hi.
10 Ka mite lakah mawh neite,
‘Ei tungah siatna hong tung loin ^l
zong i mukha kei ding hi,’
a cite namsau-in a si ding uh hi.

Israel Angei Bangkik

11 “Tua ni ciangin a puksa
David puanbuk angei ka bangsak kik ding hi. ^m
A kisiatna mun teng ka puah dinga,
a sia teng angei bangin
a kizang thei kik dingin ka lam ding hi. ⁿ
12 Tua pen, amaute in Edom a baanglaite le ^o
ka min a lo minam khempeuh ^{▼▼9.12 Hebrew; Septuagint ah ka mi a baanglaite le / ka min-a kilo minamte khempeuh in Topa a zong thei ding uh hi} a neih theih nading uh ahi hi,” ^q

hih nate a sem ding pa TOPA in cikhia hi.

13 “A nite tung ta hi,” TOPA in cikhia a,

“lokhopa in an lapa phadong dinga ^r
lengkung suanpa in lenggah sukpa phadong ding hi.
Mualliante panin lenggahzu thak taakin
mualneute khempeuh panin a luang ding hi.
14 Saltang ka mi Israel-te amau gamah ka puak kik ding hi; ^{▼▼9.14 Ahikeh ka mailam hun a ngei bang ding.
,} ^t
amaute in a kisusiasa khuapite puah kik ding uh a, tuate ah a teng ding uh hi.
Amaute in lenggui suanin tuate zu a dawn ding uh hi;
huan bawl ding uh a, amau neihsa singgahte a ne ding uh hi ^u
15 Amaute ka piaksa leitang panin ^v
a kibulkalh ngei nawn lo ding
Israel-te amau leitangah ka suan ding hi,” ^w

TOPA note Pasian in ci hi.